Бош Сахифа » Сиёсий » БАХТИМИЗ ҚОМУСИ

 
 
 

БАХТИМИЗ ҚОМУСИ

Муаллиф: 013101 дан 30-11-2016, 14:23, курилди: 282

0
Маълумки, бу йил Конституциямиз қабул қилинганлигининг 24 йиллигини кенг нишонлаймиз. Ушбу санага бағишлаб мамлакатимизнинг барча жойларида кенг кўламдаги тадбирлар ўтказилади. Шу ўринда "Конституция нима?", деган саволга тўхталиб ўтамиз.
Конституция жамият ҳаётида муҳим ўрин тутувчи мураккаб ва серқирра ижтимоий-сиёсий ва ҳуқуқий ҳодисадир. Инсон ҳуқуқлари ва эркинликларини ҳуқуқий кафолатловчи, ижтимоий тузум асосларини, бошқарув шакли ва ҳудудий давлат тузилиши, марказий ва маҳаллий давлат ҳокимиятини ташкил этиш, уларнинг ваколати ва ўзаро муносабатини, давлат рамзларини белгиловчи актлар йиғиндиси асосий (олий) қонундир. Конс¬титуциянинг юридик устунлиги қуйидагиларда намоён бўлади:
- бошқа барча қонунлардан устунлиги;
- олий юридик кучга эгалиги;
- миллий ҳуқуқий тизимнинг ўзаги эканлиги;
- махсус тартибда қабул қилиниши ва унга ўзгартириш киритишнинг мураккаб жараёни ўрнатилганлиги.
Қабул қилинган Конституция халқ иродаси ифодаланиши натижаси эканлиги, унинг ўз тақдирини ўзи белгилашга, бирлик ва тенг ҳуқуқлиликка интилиши баён этилади. Асосий принциплари давлат суверенитетини, халқ ҳокимиятчилиги ҳамда инсон ҳуқуқларини тан олиш ва таъминлашга қаратилган.
Конституциямизнинг энг муҳим хусусиятлари:
- Давлат ва мансабдор шахсларнинг жамият ва фуқаролар олдида масъуллиги. (2-модда)
- Давлат фаолиятининг амалга ошириш мезонларининг белгиланганлиги.(14-модда)
- Конституциямизда манфаатлар кетма-кетлиги: "Инсон-жамият-давлат" йўналишида тузилган бўлиб, шахс манфаати, унинг эркинликлари, жамият ва давлат манфаатларига нисбатан устуворлиги;
- Оила жамиятнинг асосий бўғини эканлиги, олий қадрият сифатида эътироф этилиб, давлат муҳофазасига олинганлиги.( 14-боб).
Ижтимоий мақсадни кўзлаган бозор муносабатларини шакллантиришга йўналтирилганлиги. Мулкчиликнинг барча шакллари, жумладан, хусусий мулк тенг ҳуқуққа эга ва бир хил ҳуқуқий ҳимоядан фойдаланиши.
Яна Конституциянинг энг муҳим хусусияти шундаки, унда инсонни улуғлаш, эркинлиги учун реал шарт-шароитлар яратиш ўз ифодасини топган. Муҳими, демократик фуқаровий давлат қуриш учун лозим бўлган барча иқтисодий, сиёсий ҳамда социал, маданий-ҳуқуқ ва эркинликларни кафолатлайди.
Дарвоқе, озод ва обод Ватан, эркин ва фаровон ҳаётни барпо этишни ўзига дастуруламал қилиб олган халқимиз ўз миллий, тарихий, маънавий ва диний анъаналари, урф-одатларини эъзозлаб, айни пайтда дунёдаги энг илғор тажрибаларни ўрганиб бормоқда. Биз буюк давлат ва миллат ворисларимиз, шунга муносиб тарзда илғор давлатлар қаторидан мустаҳкам ўрин олишга улгурдик. Шундай экан, мустақиллигимиз ҳадя этган неъматлардан унумли ва самарали фойдаланайлик.

Жамшид ШОДИЕВ,
4-умумтаълим мактаби "Конституция оламига
саёҳат" фани ўқитувчиси.
Калит сўз: Конституция

Йўналиш: Сиёсий

Ҳурмтли меҳмон, Сиз ҳали руйхатдан утмагансиз.
Сиз малумот қолдиришингиз учун Рўйхатдан утиш лозим.