Бош Сахифа » Сиёсий » ИЖТИМОИЙ-ИҚТИСОДИЙ СОҲАЛАР ҚАМРАЛГАН ЛОЙИҲА

 
 
 

ИЖТИМОИЙ-ИҚТИСОДИЙ СОҲАЛАР ҚАМРАЛГАН ЛОЙИҲА

Муаллиф: 013101 дан 9-02-2017, 15:26, курилди: 232

0
Президентимиз мамлакатни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузасида белгилаб берилган вазифаларнинг ижросини таъминлаш, ҳудуд ижтимоий-иқтисодий ривожланишига оид долзарб масалалар ечимида жамоатчилик вакиллари, нодавлат-нотижорат ташкилотларининг иштироки муҳим аҳамият касб этади. Шу нуқтаи назардан, юртбошимиз томонидан илгари сурилган 2017-2021 йилларда Ўзбекистонни янада ривожлантириш бўйича Ҳаракат стратегияси лойиҳаси учун таклифлар ишлаб чиқишни кўзда тутган учрашувлар давом этмоқда. Сайловчилар билан бўлган учрашувда лойиҳа мазмун-моҳияти, кутилаётган натижалар юзасидан тушунчалар бердим.
Дарвоқе, бешта муҳим ва долзарб йўналишларни қамраган Ҳаракат стратегияси амалиётга татбиқ этилиши доирасида 20 та янги қонун лойиҳаси, Вазирлар Маҳкамасининг 18 та қарори ва бошқа ҳужжатлар қабул қилиниши кўзда тутилган. Давлат ва жамият қурилиши, суд-ҳуқуқ, иқтисодий-ижтимоий соҳаларда қатор янгиликлар тараққиётнинг муҳим омилларини белгилаб беради. Олий Мажлис Қонунчилик палатаси депутатлари ҳамда сенаторларга фуқаролар томонидан кўплаб мурожаатлар бўлиши тайин. Бу эса ўз навбатида, фуқароларнинг оворагарчиликларига сабаб бўлаётганди. Лойиҳанинг амалиётга татбиқ этилиши натижасида виртуал қабулхоналар ташкил этилади. Видеоконференцалоқа тизимидан унумли фойдаланилади. Шунингдек, валюта конвертациясидаги ўзгаришлар, кам таъминланган оилалар учун уй-жой қурилиши ва бошқа масалалари ижобати халқ фаровонлигини таъминлайди. Шунинг учун ҳам бугунги кунда жамоат ва нодавлат-нотижорат ташкилотлари томонидан билдирилган фикр-мулоҳаза ва таклифлар ўрганилмоқда.

Фотима ИСЛОМОВА,
11-Алишер Навоий сайлов округидан туман Кенгаши
депутати.

Йўналиш: Сиёсий

Ҳурмтли меҳмон, Сиз ҳали руйхатдан утмагансиз.
Сиз малумот қолдиришингиз учун Рўйхатдан утиш лозим.