» » ҚИСҚА МУДДАТЛИ ЎҚУВ тараққиётга дахлдорлик мавзусини қамради

ЯНГИЛИКЛАР / ЖАМИЯТ ВА ХАЁТ

ҚИСҚА МУДДАТЛИ ЎҚУВ тараққиётга дахлдорлик мавзусини қамради

Вилоят ҳокимлигининг шу йил 31 мартдаги йиғилиш баёни ижросини таъминлаш мақсадида фуқаролар билан доимий мулоқотда бўладиган, аҳолининг тўй-у маъракаларида иштирок этадиган имом-хатибларнинг билим савиясини янада ошириш, жойларда юртимизда олиб борилаётган кенг кўламли ислоҳотлар юзасидан етарли даражада тушунтириш ишларини олиб боришлари учун қисқа муддатли ўқув-курслари ташкил этилди. Жума шаҳридаги "Нурул ислом" жомеъ масжидида бошланган машғулотларга 3 март куни Нуробод ва Паст Дарғом туманларининг 38 нафар имом-хатиблари қатнашди. Дастлаб, вилоят ҳокимининг ўринбосари, хотин-қизлар қўмитаси раиси Марҳабо ўофурова, Паст Дарғом туман ҳокими Собир Эргашевлар Президент ташрифидан сўнг амалга оширилаётган ишлар, жумладан, жиноятчиликнинг олдини олиш, аҳоли саломатлигига эътибор, иш ўринларини яратиш борасида ҳудудий, манзилли, давлат дастурларининг ижроси, истиқболдаги вазифаларга тўхталишди. Юрт равнақига дахлдор ҳар бир фуқаро халқ манфаати кўзланган ислоҳотлар моҳиятини англаб етиши, бу борада тарғибот-ташвиқот ишларини олиб боришда имом-хатибларнинг ўрни муҳимлиги айтилди.
Ўқувнинг биринчи кунида тингловчилар Самарқанд Давлат тиббиёт институти проректори Абдурауф Исоқов, доцент Юсуф Ҳалимбеков, катта ўқитувчи Шерзод Мажидовларнинг маърузаларини тинглашди. Бир бирига боғлиқ мавзулар савол-жавоблар билан қизғин кечди.
Таъкидланганидек, 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегиясини амалга оширишда "Инсон манфаатлари-ҳамма нарсадан устун" деган тамойил ва "Халқ давлат идораларига эмас, давлат идоралари халқимизга хизмат қилиши керак", деган эзгу ғояни ҳаётга татбиқ этилишига қаратилгани билан аҳамиятли.
Республикада миллатлараро тинчлик ва тотувликни, пухта ўйланган ва ўзаро манфаатли ташқи сиёсат амалга оширилишини таъминлаш бўйича чора-тадбирлар кўрилганлиги натижасида қўшни давлатлар билан ишончли муносабатлар йўлга қўйилди. Туркманистон, Қозоғистон, Тожикистон, Қирғизистон, Авғонистон давлатлари билан савдо-иқтисодий, маданий-гуманитар алоқаларни ривожлантириш учун қўлай шароитлар яратилди. Юртимиз раҳбарининг Олий даражали учрашувлари чоғида давлат ва халқаро ташкилотлар раҳбарлари билан икки томонлама манфаатли келишувларга эришилди. Президентимизнинг 2017 йил 22 декабрдаги Олий Мажлисга Мурожаатномасида ҳам айнан жамият тараққиёти ва фуқаролар тафаккурини ривожлантиришдаги ўткир муаммоларга эътибор қаратилиб, уларни ҳал этишнинг аниқ йўллари белгилаб берилди. Шу муносабат билан Ҳаракатлар стратегиясини "Фаол тадбиркорлик, инновацион ғоялар ва технологияларни қўллаб-қувватлаш йили" да амалга оширишга оид давлат дастури тасдиқланди.
Имом Бухорий халқаро маркази вакиллари, СамДТИ ўқитувчилари, туман прокурори Баҳриддин ўаффоровлар билан дин ва давлат муносабатлари, фуқароларнинг яшаш манзилларидан чет давлатларга узоқ муддатга чиқиб кетишининг сиёсий, ижтимоий-маънавий жиҳатдан салбий асоратлари, диний экстремистик гуруҳлар, интернет ва ижтимоий тармоқлар хавфи, вояга етмаганларнинг назоратсизлигига доир видеороликлар баҳс мулоқотлар тарзида давом этди.
Машғулотлар сўнггида имом-хатиблар Ошиқ ота зиёратгоҳида бўлишиб, ўтган авлоду-аждодларимиз руҳи-покларига, юртимизга тинчлик-хотиржамлик тилаб, қуръон тиловат қилишди.
Шунингдек, эрта турмуш, ва эрта туғуруқларнинг олдини олиш, махсус ҳисобдан чиқарилган фуқаролар ва уларнинг оила аъзоларини соғлом ҳаётга қайтаришни таъминлаш, тўй-маъракалар, диний маросимларни ўтказишдаги муаммоларни бартараф этиш масалалари бириктирилган олий таълим муассасалари вакиллари, ички ишлар ходимлари томонидан аниқ мисоллар ва жўяли таклифлар билан тингловчиларга тегишли қўлланма сифатида ҳавола этилди.
Озод НАЗАРОВ,
туман бош имом-хатиби.
Б.ШУКУРОВ.

скачать dle 11.3
Калит сўз Имом-хатиблар

Ўхшаш янгилик

Янгиликдаги изоҳлар

Ҳурматли фойдаланувчи, Сиз сайтимиздан рўйхатдан ўтмаганмисиз.
Унда марҳамат Рўйхатдан ўтинг.

Ўзингизнинг изоҳингизни қолдиринг:

Ижтимоий тармоқлар

  • Фэйсбук
  • Твиттер
  • Телеграм
  • Сайт материалларидан фойдаланилганда WWW.PDH.UZ манбаи курсатилиши шарт.

    Тезкор алоқа

  • Админ билан алоқа телеграм

    Журналистлар

    Манзилимиз

    Самарқанд вилояти
    Паст Дарғом тумани, Жума шаҳри,
    Амир Темур кўчаси, 50-уй.

    Телефон : ( 8366 ) 465-12-56