» » ЯНГИ ҚЎШМА КОРХОНА маҳсулоти 100 фоиз экспортга

ЯНГИЛИКЛАР / ИҚТИСОДИЙ

ЯНГИ ҚЎШМА КОРХОНА маҳсулоти 100 фоиз экспортга

Ишлаб чиқарилаётган маҳсулот рақобатбардошлиги жаҳон бозорида муҳим ўрин тутади. Маҳсулотлар экспорти ўз навбатида, маҳаллий бюджетдан молиялаштириладиган кўплаб муаммолар ечимидир. Юртимизда саноат маҳсулотлари ишлаб чиқариш ҳажмини кенгайтириш, қишлоқ хўжалиги экинларидан олинадиган ҳосилни қайта ишлаш орқали экспорт салоҳиятини кўпайтиришга эътибор қаратилаётганининг боиси ҳам шу.
Жумладан, туманимизда ҳам инвесторларни жалб қилиш, ишлаб чиқариш корхоналарини янги технологиялар билан жиҳозлаш, икки томонлама манфаатдорликни таъминлаш йўлида муайян ишлар амалга оширилмоқда. Шу мақсад кўзланган яна бир қўшма корхона ишга туширилиш арафасида. Бу "SAM ECO ROOT" қўшма корхонасидир. Масуълияти чекланган жамият шаклда ташкил этилган корхонанинг йиллик қуввати 3,5 миллион АҚШ доллари ёки 4 минг тонна маҳсулотга тенг.
- Лойиҳага 360 минг АҚШ долларлик инвестиция киритганмиз, - деди хитойлик инвесторнинг вакили Ли Фан. - Юртингизда яратилаётган қўлай муҳит, шарт-шароитларни ўрганиб иш бошлаяпмиз. Корхона ишга туширилиши натижасида икки томоннинг манфаатдорлиги ошади.
Лойиҳа қиймати 600 минг АҚШ доллари бўлган корхонага маҳаллий тадбиркорнинг 240 минг АҚШ доллар маблағи жалб этилган. Хитой давлатида ишлаб чиқарилган ускуналар билан жиҳозланган корхонада йилига 28 миллиард сўмлик қизилмия экстракти экспорт қилиш кўзда тутилмоқда. Кимёгарлар маҳалласининг "Самарқандкимё" АЖ балансидаги 2 минг квадрат метр майдонини эгаллаган бино иншоотларда ижара асосида фаолият бошлаётган қўшма корхонада 80 нафардан ортиқ фуқаролар бандлиги таъминланади.
- Фармацевтика ва озиқ-овқат саноати учун бебаҳо ҳисобланган хомашёни Хитой давлатига тўлиқ етказиб бериш бўйича шартномалар имзоланган. Бундан кўриниб турибдики, бошлаган ишимизнинг истиқболи бор. Шу сабабли хитойлик саноатчилар билан келишган ҳолда қизилмия илдизини кукунга айлантириб берадиган ускуналарни ўрнатиб иш бошладик. Биргина муаммо-ижарадамиз. Корхонага ёндош 10 гектар ер ихтиёримизга берилса ёки кўчмас мулк биржаси орқали сотиб олсак, янги замонавий завод қуриш имкониятимиз бор. Бу ҳақдаги мурожаатларимиз ўрганилмоқда. Бу ташаббус ҳам қўллаб-қувватланишига умид қиламиз, - деди "SAM ECO ROOT" қўшма корхонаси раҳбари Мақсуд Умуров.
Тадбиркорнинг изланиши, дунё бозорини ўрганиши орқали экспорт имкониятларини янада кенгайтириш учун дадил одим ташланди. Аминмизки, эришиладиган иқтисодий кўрсаткичларга ҳаввасманд, юрт равнақи йўлида фидойилик кўрсатаётган тадбиркорлар сафи ортаверади.
Б.ШУКУРОВ,
Қ.ЗИЁТОВ (фото).
скачать dle 11.3

Ўхшаш янгилик

Янгиликдаги изоҳлар

Ҳурматли фойдаланувчи, Сиз сайтимиздан рўйхатдан ўтмаганмисиз.
Унда марҳамат Рўйхатдан ўтинг.

Ўзингизнинг изоҳингизни қолдиринг:

Ижтимоий тармоқлар

  • Фэйсбук
  • Твиттер
  • Телеграм
  • Сайт материалларидан фойдаланилганда WWW.PDH.UZ манбаи курсатилиши шарт.

    Тезкор алоқа

  • Админ билан алоқа телеграм

    Журналистлар

    Манзилимиз

    Самарқанд вилояти
    Паст Дарғом тумани, Жума шаҳри,
    Амир Темур кўчаси, 50-уй.

    Телефон : ( 8366 ) 465-12-56